Qaraǵandy turǵyny áıeldi sot atasyn qorlaǵan dep kúdiktenip, bóten páterge baryp, eki áıeldi urǵany úshin kináli dep tanydy, dep habarlaıdy infohub.kz.
İs materıaldary boıynsha, 2026 jylǵy 27 qańtar kúni keshke áıel adam jaǵdaıdy anyqtaý úshin jábirlenýshige kelgen. Áńgime tez janjalǵa ulasyp, aıyptalýshy páter ıesin birneshe ret qolymen basy men denesine urǵan. Taǵy bir áıel tóbelesti toqtatpaq bolǵanda, shabýyldaýshy onyń sol qol bileziginen ustap alyp, denesine zaqym keltirgen.
Nátıjesinde birinshi jábirlenýshiniń beti men eki qolynda syzattar paıda bolsa, ekinshisiniń sol qol bileziginde syzattar qalǵan. Aıyptalýshynyń kinásin sot-medısınalyq saraptamalar, jábirlenýshiler men kýágerlerdiń aıǵaqtary jáne qylmystyq istiń ózge de materıaldary rastady.
Prokýror men eki jábirlenýshi de áıelge aıyppul salýdy suraǵan. Al qorǵaýshy tarap qylmystyq quqyq buzýshylyq quramy joq dep, aqtaýdy talap etken.
Sot aıyptalýshynyń kámeletke tolmaǵan balasy baryn jeńildetetin mán-jaı dep tanydy. Aýyrlatatyn mán-jaılar anyqtalǵan joq. Áıeldi eki adamǵa dene jaraqatyn saldy dep kináli dep taýyp, 100 AEK — 432 500 teńge kóleminde aıyppul tóleýge mindettedi. Sonymen qatar, sot ony árbir jábirlenýshige moraldyq zıan úshin 500 myń teńgeden tóleýge, sondaı-aq ókildiń qyzmetine ketken 1 mıllıon teńge shyǵyndy óteýge mindettedi. Jábirlenýshiler emdelýge ketken shyǵyndaryn da óndirip ala alady — bul tólemderdiń mólsheri týraly másele azamattyq is júrgizý tártibimen bólek qaralady.
Úkim ázirge zańdy kúshine engen joq.