Qaraǵandyda Germanıadan kelgen týrıser qyzyl túske kósheni kesip ótti, biraq aıyppul ornyna aǵylshynsha erkin sóıleıtin polıseıdiń túsindirme áńgimesin aldy, dep habarlaıdy infohub.kz saıty.
Oqıǵa Internasıonalıser-jaýyngerler kóshesinde boldy. Patrúl qyzmetkerleri sheteldik azamattardyń baǵdarshamnyń tyıym salatyn belgisinde joldyń júris bóligin kesip ótip jatqanyn baıqady. Inspektorlar olardy toqtatyp, Qazaqstan Respýblıkasynyń jol qozǵalysy erejeleriniń talaptaryn túsindirip, ásirese joldan ótkende olardyń qatań saqtalýy qajettigin eskertip, aldyn alý áńgimesin júrgizdi.
Áńgimeniń til kedergisinsiz ótkeni erekshe nazar aýdartty. Patrúldik polısıa polkiniń qyzmetkeri Baǵlan Rahımjanov úsh tildi: qazaq, orys jáne aǵylshyn tilderin meńgergen. Ol Qaraǵandy oblysynyń ishki ister organdarynda týra bir jyl qyzmet etedi. Polıseıdiń aıtýynsha, til bilý oǵan sheteldiktermen qarym-qatynas jasaýda ǵana emes, tikeleı qyzmettik mindetterin oryndaýda da kómektesedi.
"Polıseı jumysynda ár adammen ortaq til taba bilý mańyzdy. Qazaq, orys jáne aǵylshyn tilderin bilý maǵan azamattarmen, sonyń ishinde qalamyzdyń sheteldik qonaqtarymen erkin sóılesýge kómektesedi. Mundaı jaǵdaılarda jaı ǵana eskertý jasaý emes, adamǵa erejelerdi ne úshin saqtaý kerektigin jáne olardy buzýdyń qandaı qaýipti ekenin túsinikti túrde túsindirý mańyzdy", - dedi Baǵlan Rahımjanov.