Qaraǵandyda sońǵy táýlikte polıseılerdiń sheteldik týrısermen eki erekshe kezdesýi boldy, dep habarlaıdy infohub.kz saıty.
İİM aqparattyq medıaportalynyń málimetinshe, 24 tamyzda patrúldik polıseıler qala boıynsha saǵatyna 30 km-den az jyldamdyqpen qozǵalǵan BYD avtokóligin baıqaǵan. Tártip saqshylary kólikti toqtatyp, júrgizýshige kómek qajet bolýy múmkin dep boljaǵan. Rólde Malaızıa azamatshasy otyrǵan, ol joldastarymen birge álemdi aralap, Qytaıǵa bet alǵan. Áńgime barysynda týrıs qazaqstandyq polıseılerdiń onymen aǵylshyn tilinde erkin sóılesip, qalada baǵyt-baǵdar berýine tań qalǵan.
Baıaý júrý sebebi — kóliktiń aqaýy emes, elektromobıl bolǵandyqtan, saıahatshylar zarádti únemdegen eken. Polıseıler qonaqtarǵa qaıda toqtap, tamaqtanýǵa bolatynyn aıtyp, aq jol tilegen.
Al búgin tańerteń patrúldikter Buqar jyraý dańǵylynda qolyna chemodan alǵan qyzdy baıqaǵan. Ol Qytaıdan kelgeni belgili bolǵan. Qonaq túneýge oryn tabý qıyndyq týdyrǵanyn aıtqan. Polıseıler oǵan turýǵa oryn tabýǵa kómektesken.
Alda — Dımash Qudaıbergenniń qatysýymen ótetin konsert, ol qalaǵa tek Qazaqstannan ǵana emes, basqa elderden de jankúıerlerdi tartýy múmkin.