Áleýmettik jelilerde Qaraǵandydaǵy sýpermarket mańynda jappaı ustalýdyń beınejazbasy qyzý talqylanýda. Kadrlarda asfáltqa betin tómen jatqan birneshe adam men arnaıy qyzmet qyzmetkerleri kórinedi. Paıdalanýshylar oqıǵanyń sebebine qyzyǵýshylyq tanytýda, dep habarlaıdy infohub.kz saıty.
«Onda ne boldy?», «Ustalýdyń sebebin kim aıtady?», «Qyzyq, ne boldy eken?», «Aqparat kútemiz», — dep jazýda pikir bildirýshiler.
Qaraǵandy oblysy polısıa departamentiniń túsindirýinshe, 22 shildede polısıaǵa qaladaǵy sýpermarketterdiń biriniń janynda jastar toby jınalyp, aralarynda janjal týyndaýy múmkin ekendigi týraly habarlama túsken. Polısıa qyzmetkerleri dereý oqıǵa ornyna baryp, quqyqqa qaıshy áreketterdiń aldyn alyp, jaǵdaıdyń órbýine jol bermegen. Barlyq mán-jaıdy anyqtaý úshin aýmaqtyq polısıa bólimine 16 adam jetkizildi. Qazir tekserý júrgizilip, nátıjesinde tıisti prosesýaldyq sheshim qabyldanady.
Vedomstvo qoǵamdyq tártipti buzýǵa baǵyttalǵan kez kelgen áreketter erekshe baqylaýda ekenin eskertti. Polıseıler budan bylaı da osyndaı habarlamalarǵa jedel den qoıyp, azamattardyń qaýipsizdigin qamtamasyz etý úshin qajetti sharalardy qoldanatyn bolady.