Qaraǵandy oblysynda jumyssyzdardy qysqa merzimdi kásiptik oqytý baǵdarlamasy bastaldy. Oǵan sáıkes 250 adam jańa mamandyq alady. Bıyl oblysta barlyǵy 481 turǵyndy oqytý josparlanǵan, dep habarlaıdy infohub.kz saıty.
Oqytý bilim berý mekemeleri men oqý ortalyqtarynda uıymdastyrylǵan. Mamandyqtar tizimi: aspaz, shashtaraz, tiginshi, tiginshi-kıim úlgisin jasaýshy, slesar-jóndeýshi, býhgalter-kassır, jınaýshy, elektrogazben dánekerleýshi, 1S operatory, baǵdarlamashy, manıkúr sheberi jáne t.b. Mamandyqtar tizimi jumys berýshilerdiń ótinimderi negizinde jasaqtalǵan.
Eń kóp suranysqa ıe bolǵan kýrstar – manıkúr sheberi jáne shashtaraz. Odan keıin aspazdar, sodan soń veb-masterler men veb-dızaınerler. Polıgrafıalyq jabdyqty retteýshi jáne kitap túpteýshi mamandyqtaryn ıgergisi keletinder eń az.
Kýrstardyń uzaqtyǵy biliktilik kúrdeliligine qaraı 3 aıdan 6 aıǵa deıin. Qatysýshylarǵa aı saıyn 32 681 teńge kóleminde shákirtaqy, jol júrýge 4 AEK (14 768 teńge), turýǵa 10 AEK (36 920 teńge) ótemaqy tólenedi. Medısınalyq tekserýdi memleket 2 AEK (7 384 teńge) mólsherinde tóleıdi.
Oqý aıaqtalǵannan keıin baǵdarlamaǵa qatysýshylardyń árqaısysy turaqty jumys ornyna ornalastyrylady. Qysqa merzimdi kýrstarǵa ótinimderdi qabyldaý Qaraǵandy oblysynyń qalalary men aýdandaryndaǵy mansap ortalyqtarynda jalǵasýda.