Qaraǵandyda er adam poıyz ben kafede jasalǵan birneshe urlyq boıynsha sot aldynda jaýap berip, bas bostandyǵyn shekteý túrindegi jazaǵa tartyldy, dep habarlaıdy infohub.kz saıty.
Qaraǵandy oblysy sottarynyń resmı Telegram-arnasynda málim bolǵandaı, Qaraǵandy qalasynyń Álıhan Bókeıhan aýdanynyń soty bótenniń múlkin jasyryn jymqyrý, birneshe ret jasalǵan, óndiristik úı-jaıǵa kirip jasalǵan qylmys boıynsha aıyptalýshyǵa qatysty qylmystyq isti qarady (Qylmystyq kodekstiń 188-baby, 3-bóligi, 2 jáne 3-tarmaqtary).
Sot anyqtaǵandaı, 2024 jyldyń qyrkúıeginde sottalýshy terezeden zańsyz kirip, óndiristik úı-jaıǵa — kafe dúńgirshegine kirip, uıaly telefon men asqana pyshaǵyn jasyryn jymqyrǵan. Jalpy shyǵyn 55 myń teńgeni qurady.
2024 jyldyń qazanynda ol jolaýshylardan urlyq jasaý maqsatynda Kókshetaý — Qyzylorda baǵytyndaǵy jolaýshylar poıyzyna mingen. Bir tún ishinde Qaraǵandy-Jolaýshylar stansıasy — Qarabas stansıasy aralyǵynda sottalýshy úsh túrli jolaýshydan uıaly telefondaryn, al tórtinshisinen ishinde eki altyn júzik bolǵan áıelder sómkesin jasyryn jymqyrǵan. Barlyǵy jalpy somasy 460 myń teńge.
Er adamnyń kinási onyń moıyndaý kórsetpelerimen, jymqyrylǵan zattardy alý hattamasymen, jábirlenýshilerdiń alynǵan zattardy taný hattamasymen jáne istiń basqa da materıaldarymen tolyq dáleldendi.
Prokýror men jábirlenýshiler bas bostandyǵyn shekteý túrindegi jaza taǵaıyndaýdy surady. Qorǵaýshy tarap bas bostandyǵynan aıyrýǵa baılanysty emes jaza taǵaıyndaýdy surady.
Jaza taǵaıyndaý kezinde sot qylmystyq jaýaptylyq pen jazany jeńildetetin mán-jaılar retinde sottalýshynyń jasaǵan isine shyn júrekten ókinýin jáne qylmyspen keltirilgen shyǵyndy óteýin tanydy. Qylmystyq jaýaptylyq pen jazany aýyrlatatyn mán-jaılardy sot anyqtaǵan joq.
Sot úkimimen er adam kináli dep tanylyp, oǵan 3 jyl 6 aıǵa bas bostandyǵyn shekteý jazasy, májbúrli eńbekke tartý jáne probasıalyq baqylaý belgileý arqyly taǵaıyndaldy.
Sot úkimi zańdy kúshine endi.