Qonaqúı bólmesindegi jastyq ústindegi shokolad kópten beri premıým qyzmettiń ajyramas belgisi sanalyp keledi. Alaıda bul dástúrdiń naqty avtory bar — gollıvýdtyq akter Kerı Grant, dep habarlaıdy infohub.kz saıty.
Qonaqtyń tósegine tátti qaldyrý ádeti Gollıvýd juldyzynyń romantıkalyq qylyqtarynyń arqasynda paıda bolǵan, dep jazady People portaly.
1950 jyldardyń basynda Kerı Grant Sent-Lýıstegi Mayfair qonaqúıine toqtaǵan. Ol kezde akter úshinshi áıeli Betsı Dreıkpen nekede júrgen, biraq penthaýsta jasyryn túrde súıiktisimen kezdesý uıymdastyryp, oǵan romantıkalyq tosyn syı jasamaq bolǵan.
Hanymdy tańqaldyrý úshin Grant qonaq bólmeden tósekke deıin sozylyp jatqan shokolad kámpıtterinen jol salyp, sońǵy kámpıtti mahabbat hatymen birge jastyqqa qoıǵan. Juldyzdyń jasyryn seriktesiniń esimi belgisiz kúıi qaldy, alaıda akterdiń erekshe qylyǵy qonaqúı meńgerýshisiniń kózinen tasa qalmady.
Meńgerýshi mundaı nazar belgisi barlyq qonaqqa arnalǵan tamasha fırmalyq qyzmetke aınalady dep sheship, barlyq bólmelerdegi jastyqqa shokolad qoıýdy buıyrdy. Kóp uzamaı bul ıdeıany álemniń lúks qonaqúıleri qabyldap, akterdiń jasyryn romantıkalyq kezdesýin álemdik qonaqúı ındýstrıasynyń ańyzǵa aınalǵan dástúrine aınaldyrdy.