Kaspi.kz dırektorlar keńesi aksıonerlerge bir aksıaǵa 1 myń teńge kóleminde dıvıdend tóleýdi bekitýdi usyndy, bul jalpy somasy 199,5 mıllıard teńgeni quraýy múmkin, dep habarlaıdy infohub.kz saıty.
Kompanıa 9 qyrkúıekke josparlanǵan aksıonerler jınalysyn ótkizetinin málimdedi. Kún tártibine jaı aksıalar boıynsha paıdany bólý máselesi engizilgen.
Dırektorlar keńesi bir jaı aksıaǵa 1 myń teńge kóleminde dıvıdend bekitýdi usyndy. Kaspi.kz ornalastyrylǵan aksıalarynyń sany 199,5 mıllıondy quraıtynyn eskersek, tólemderdiń jalpy kólemi 199,5 mıllıard teńgege jetýi múmkin.
Aksıonerler tiziminiń tirkelý kúni aldyn ala 2026 jylǵy 8 qyrkúıekke belgilengen. Alaıda dıvıdendter qandaı kezeń úshin tólenetini naqtylanbaǵan.
Aıta keteıik, 2025 jyldyń qorytyndysy boıynsha fınteh-kompanıanyń taza paıdasy 1 trıllıon teńgeni qurady.
Kaspi.kz quramyna Kaspi Bank, túrik marketpleısi Hepsiburada, Kaspi marketpleısi, Kaspi Pay, Kaspi Travel JSHS jáne Kaspi Office JSHS kiredi. Kaspi.kz aksıalary men jahandyq depozıtarlyq qolhattary NASDAQ, KASE jáne AIX bırjalarynda satylady.
Kaspi.kz iri aksıonerleri Mıhaıl Lomtadze (23,04%), Vácheslav Kım (20,06%) jáne Baring qorlary (19%) bolyp tabylady.
Eske salaıyq, maýsym aıynda Kaspi.kz birinshi toqsandaǵy dıvıdendterdi bir aksıaǵa 850 teńge kóleminde, jalpy somasy 161,5 mıllıard teńge tóleıtinin habarlaǵan bolatyn.