Qazaqstandyq fınteh-kompanıa Kaspi.kz túrik Rabobank A.Ş. bankin satyp alý mámilesin aıaqtap, ony Hepsi Bank dep qaıta atady. Kompanıa alǵashqy kezeńde jańa bankin kredıttik jáne depozıttik ónimderdi damytý úshin $300 mln-ǵa kapıtaldandyrýdy josparlap otyr, dep habarlaıdy infohub.kz saıty.
Kaspi.kz-tiń 2026 jyldyń birinshi jartyjyldyǵyndaǵy qarjylyq esebine sáıkes, túrik Rabobank A.Ş. bankin satyp alý mámilesi shilde aıynda aıaqtalǵan, sodan keıin kompanıa Túrkıada banktik lısenzıa alǵan. Osydan keıin rebrendıng júrgizilip, bank Hepsi Bank degen jańa ataýǵa ıe boldy.
Alǵashqy kezeńde kompanıa buryn satyp alynǵan túrik Hepsiburada marketpleısimen ıntegrasıalanǵan Hepsicredit taýarlyq kredıt ónimin iske qosty. Kaspi.kz-tiń Qazaqstandaǵy sheshimderine uqsas bul servıs marketpleıste taýar satyp alý kezinde tikeleı rassrochka resimdeýge múmkindik beredi. Maýsym aıynda ol Hepsiburada taýar aınalymynyń 0,4%-yn qamtamasyz etti.
Alynǵan banktik lısenzıa Kaspi.kz-ke Túrkıada kredıttik jáne depozıttik ónimderdi keńeıtý múmkindigin ashady, bul kompanıanyń 2027 jylǵy basty basymdyǵyna aınalady. Osy josparlardy júzege asyrý úshin fınteh-kompanıa Hepsi Bank-ti $300 mln-ǵa kapıtaldandyrady.
Kompanıada Túrkıadaǵy tutynýshylar men satýshylar úshin joǵary sapaly, ashyq jáne yńǵaıly sıfrlyq fınteh-ónimderdi damytýdyń aıtarlyqtaı perspektıvalaryn kórip otyrǵandaryn atap ótti.
Kaspi.kz esebine sáıkes, kompanıanyń Túrkıadaǵy barlyq bıznesiniń ekinshi toqsandaǵy kirisi 263,5 mlrd teńgeni qurady, bul ótken jyldyń sáıkes kezeńimen salystyrǵanda 6%-ǵa artyq. Birinshi jartyjyldyqta túrik bıznesi Kaspi.kz-ke 551,8 mlrd teńge ákeldi, bul jyldyq kórsetkishpen salystyrǵanda 39%-ǵa ósken.
Buǵan deıin Kaspi.kz dırektorlar keńesi aksıonerlerge bir aksıaǵa 1 myń teńge kóleminde dıvıdend tóleýdi usynǵany habarlanǵan bolatyn. Dıvıdendterdiń jalpy somasy 199,5 mlrd teńgeni quraýy múmkin.