Mańǵystaý oblysynda Qazaqstan Respýblıkasy Qarýly Kúshteriniń Áskerı-teńiz kúshteriniń oqý-jattyǵýy kezinde qaıǵyly jaǵdaı oryn aldy: Kaspı teńiziniń jaǵalaýynda oqý-jaýyngerlik tapsyrmany oryndaý barysynda aýa raıynyń kúrt nasharlaýy men jeldiń kúsheıýi saldarynan áskerı qyzmetshilerdi ashyq teńizge aǵyzyp áketti. Aldyn ala málimetterge qaraǵanda, toǵyz adam qaza tapty, dep habarlaıdy infohub.kz saıty.
Oqıǵa ornynan beınejazbany Aqtaý turǵyny, bloger Azamat Sarsenbaev jarıalady. Kadrlarda oqıǵa órbigen aımaq beınelengen.
Qorǵanys mınıstrliginiń málimetinshe, teńizge 19 áskerı qyzmetshi aǵyzylyp ketken. Qazirgi tańda olardyń toǵyzynyń qaza tapqany rastaldy. Úsheýi qutqaryldy, qutqarylǵandardyń bireýi aýrýhanaǵa jatqyzyldy. Qalǵandaryn izdeý jalǵasýda.
Bas prokýratýra Aqtaý garnızonynda oqý-jattyǵý kezinde áskerı qyzmetshilerdiń qaza tabýy faktisi boıynsha qylmystyq is qozǵalyp, tergelip jatqanyn habarlady.