Qazaqstanda Kaspı teńiziniń akvatorıasynda jańa araldyń paıda bolýy tirkeldi. Caspian Holiday kompanıasynyń negizin qalaýshy Erbolat Muqashovtyń aıtýynsha, bul tabıǵı qubylys sý deńgeıiniń tómendeýine baılanysty, dep habarlaıdy infohub.kz saıty.
Erbolat Muqashovtyń sózinshe, Kaspı teńiziniń soltústik bóliginde, atap aıtqanda kaspı ıtbalyqtary mekendeıtin araldar aýdanynda (Qulaly, Morskoı, Svátoı, Podgornyı, Úsharal, Maıaqshyqqan, Dolgı) teńiz deńgeıiniń tómendeýi saldarynan sońǵy 4-5 jylda jańa qurlyq ýchaskeleri qalyptasa bastady.
«Jaqynda paıda bolǵan araldardyń biri — Rybachı, Svátoı aralynyń shyǵysynda ornalasqan. Jańa aral Svátoı aralynan shamamen 500 metr shyǵysta jáne Baýtıno aýylynan shamamen 30 shaqyrym jerde», — dedi ol.
Kompanıa negizin qalaýshy araldardyń negizgi turǵyndary qasqyrlar ekenin atap ótti. Sondaı-aq munda jabaıy qabandar men borsyqtar kezdesedi. Jaǵalaý sýlary men araldarda balyqtar men qustardyń ártúrli túrleri mekendeıdi.
«Aralǵa Mańǵystaýdaǵy Kaspı teńizin qorǵaýshy, ekolog-sarapshy Danıar Akımjanovtyń kómegimen barý múmkin boldy. Bul aýmaq óziniń tańǵajaıyp jáne kórkem tabıǵatymen erekshelenedi», — dedi Erbolat Muqashov.
Araldy qus ushýy bıiktiginen túsirýge múmkindik týdy.