Qazaqstan premer-lıgasynyń 19-týrynda Aqtaýlyq «Kaspı» Astananyń «Jenısin» 3:2 esebimen utty, dep habarlaıdy infohub.kz.
Oıyn Qyzylordadaǵy «Qaısar arenasynda» ótip, aqtaýlyqtar nomınaldy alań ıeleri boldy. Birinshi goldy 9-mınýtta «Kaspı» sapyndaǵy qazaqstandyq qorǵaýshy Amandyq Nabıhanov soqty. 22-mınýtta «Jenıstiń» brazılıalyq jartylaı qorǵaýshysy Gán dýsh Santýsh Martınsh esepti teńestirdi. Segiz mınýttan keıin «Kaspı» sapyndaǵy portýgalıalyq qorǵaýshy Andre Amaral óz komandasyn qaıta alǵa shyǵardy. Ekinshi taımda, 52-mınýtta, alań ıeleriniń qazaqstandyq shabýylshysy Ramazan Abylaıhan aqtaýlyqtardyń basymdyǵyn arttyrdy. Keıin «Jenıstiń» otandyq qorǵaýshysy Saǵadat Tursynbaı bir dopty qaıtaryp, esepti qysqartty. Kezdesýdiń sońynda elordalyq komanda azdyqta qaldy: tikeleı qyzyl qaǵaz alǵan oıynshylar – qazaqstandyq Islambek Qýat jáne bosnıalyq Ivan Saravaná.
Bul jeńis «Kaspıge» 21 upaı jınap, týrnır kestesinde onynshy orynǵa kóterilýge múmkindik berdi. 19 týrdan keıin 22 upaı jınaǵan «Jenıs» toǵyzynshy satyda tur.