Astana — Petropavlovsk trassasyndaǵy qaýipti jarys Aqmola oblysy polıseıleriniń nazaryn aýdardy. Eki júrgizýshi de tabylyp, jazaǵa tartyldy, dep habarlaıdy infohub.kz saıty.
Áleýmettik jelide eki avtokóliktiń joǵary jyldamdyqpen birin-biri basyp ozǵan vıdeosy paıda bolyp, qoldanýshylardyń narazylyǵyn týdyrdy. Qaýipti júrgizýshilerdiń kýágerleri oqıǵany ǵana túsirip qoımaı, olardy jol qozǵalysy erejelerin saqtaýǵa shaqyrdy. Mundaı jarystar qaıǵyly zardaptarǵa ákelýi múmkin ekenin atap ótti.
Aqmola oblysy polısıa departamentiniń málimetinshe, jarıalanǵannan keıin patrúldik polısıa qyzmetkerleri eki buzýshynyń da jeke basyn anyqtaǵan. Bir júrgizýshi Astanadan tabylsa, ekinshisi polısıamen kezdesýden qashyp, telefon qońyraýlaryna jaýap bermegen. Alaıda beınebaqylaý kameralarynyń arqasynda onyń avtokóligi Býrabaı kýrorttyq aımaǵynan anyqtalyp, sol jerde ustaldy.
Eki júrgizýshige de jol qozǵalysy erejelerin buzǵany úshin ákimshilik materıaldar toltyryldy. Polıseılermen áńgimelesý barysynda er adamdar kinásin moıyndap, budan bylaı ózderin jáne basqa jol qozǵalysyna qatysýshylardy qaýip-qaterge ushyratpaıtyndaryna sendirdi.