Argentınalyq jartylaı qorǵaýshy Sebastán Sebalos «Qaırat» fýtbol klýbynan ketti, dep habarlaıdy infohub.kz saıty.
25 jastaǵy oıynshymen yntymaqtastyq taraptardyń ózara kelisimimen toqtatyldy. Sebalos qańtar aıynda «Qaıratqa» aýysyp, 2027 jyldyń sońyna deıin kelisimshartqa qol qoıǵan edi. Ol klýb tarıhyndaǵy tuńǵysh argentınalyq legıoner boldy. Birneshe aı ishinde 11 oıyn ótkizip, bir goldyq pas berdi.
«FK „Qaırat“ Sebastándy komandanyń jetistikterine qosqan úlesi úshin alǵys bildirip, bolashaq mansabyna sáttilik tileıdi!» — delingen klýb habarlamasynda.
Sebalostyń mansabyn qaıda jalǵastyratyny týraly ázirge resmı aqparat joq. Onyń transferlik quny 400 myń eýroǵa baǵalanýda.
Buǵan deıin «Qaırat» portýgalıalyq jartylaı qorǵaýshy Gýstavo Mendonsanyń aýysqanyn habarlaǵan bolatyn.