Qazaqstan Premer-lıgasynyń 18-týrynda Aqtaýdyń «Kaspıi» qyzylordalyq «Qaısarmen» qonaqta 1:1 esebimen teń tústi, dep habarlaıdy infohub.kz saıty.
Oıyn Qyzylordadaǵy «Qaısar Arenada» ótti. 41-mınýtta alǵashqy goldy qazaqstandyq shabýylshy Álıar Muhammed soqty, oǵan otandyq qorǵaýshy Nıaz Idrısov assıst berdi. «Kaspı» esepti fransýzdyq shabýylshy Keba Sıllanyń kúshimen teńestirdi, oǵan goldik pasty belarýstyq jartylaı qorǵaýshy Vladıslav Klımovıch berdi. Sondaı-aq, qonaqtar machtyń aıaǵyn on adammen ótkizdi: 88-mınýtta portýgaldyq qorǵaýshy Bernardo Morgado ekinshi sary qaǵaz aldy.
18 týrdan keıin «Qaısar» 19 upaı jınap, chempıonatta 10-orynda tur. «Kaspı» 18 upaımen KPL týrnırlik kestesinde 13-orynda.