Úkimettegi brıfıńte Oqý-aǵartý mınıstri Juldyz Súleımenova Qazaqstanda 12 jyldyq bilimnen 11 jyldyqqa kóshý josparlanyp otyrǵanyn aıtty, dep habarlaıdy infohub.kz.
Vedomstvo basshysynyń aıtýynsha, elde bilim berý baǵdarlamalarynyń sáıkestigin zertteıtin komısıa qurylǵan. Bul — jańa Konstıtýsıaǵa sáıkes Qazaqstanda biryńǵaı bilim standarty qoldanylýy tıis. Sonymen qatar, Nazarbaev Zıatkerlik mektepterinde (NZM) túlekterdiń 88%-y mektepti 18 jasynda aıaqtaıdy. Ata-analar men oqýshylardyń 10-synyptan keıin NZM-nen qujattaryn alyp, jalpy bilim beretin mektepterge aýysý úrdisi baıqalady. Sondyqtan qazir 12 jyldyq bilimdi qaıta qaraý qajettiligi týyndap otyr.
Mınıstr halyqaralyq baǵdarlamalardy qosa alǵanda, barlyq baǵdarlamany 11 jyldyq formatqa kóshirý qajet bolatynyn atap ótti. Alaıda naqty merzimder ázirge aıtylmaı otyr. «Merzimderdi búgin-erteń aıta almaımyz, biraq jumys aıaqtalǵan soń biz bul týraly habarlaımyz. Meniń oıymsha, 2027 jyldyń qańtarynda», — dep túıindedi Súleımenova.
Sonymen qatar, Oqý-aǵartý mınıstrliginiń basshysy Nazarbaev Zıatkerlik mektepteriniń jabylýy múmkin degen ata-analardyń alańdaýshylyǵyna jaýap berdi.