Aqmola oblysynda polısıa mobıldi qosymsha arqyly bank shotynan 2 mln teńge jymqyrý týraly qylmystyq isti tergep jatyr. Oqıǵa Selınograd aýdanynda bolǵan, dep habarlaıdy infohub.kz saıty.
Oblystyq polısıa departamentiniń málimetinshe, bıylǵy mamyr aıynda jergilikti turǵyn Qaraótkel aýylynda jeke úı qurylysyn bastaǵan. Jumysshy izdeý kezinde tanysqan er adamdy ol jumysqa jaldaǵan. Birneshe aı boıy jaldamaly jumysshy nysanda qurylys jáne jóndeý jumystaryn oryndaǵan.
22 tamyzda tańerteń zardap shegýshi uıaly telefonynyń joǵalǵanyn baıqaǵan. Bank qosymshasyn teksergende, ol shotynan jalpy somasy 2 mıllıon teńgege birneshe aýdarym jasalǵanyn kórgen. Aqshany alýshy onyń jumysshysy bolyp shyqqan. Alaıda, belgili bolǵandaı, tanysý kezinde er adam ózin bóten esimmen tanystyrǵan.
Shot ıesi dereý polısıaǵa habarlaǵan. Qyzmetkerler jedel-izdestirý is-sharalaryn júrgizip, nátıjesinde qysqa merzimde kúdiktiniń jeke basyn anyqtaǵan. Qazirgi ýaqytta qylmystyq is boıynsha qajetti jedel jáne tergeý áreketteri júrgizilýde, oqıǵanyń barlyq mán-jaıy anyqtalýda.