Qazaqstanda anomaldy ystyq saldarynan alty sement-beton trassada temperatýralyq deformasıa paıda boldy. Jol qyzmeti jabyndy jedel qalpyna keltirdi, dep infohub.kz saıty habarlaıdy.
«KazAvtoJol» málimdeýinshe, anomaldy ystyqqa baılanysty jol qyzmetkerleri sement-beton tóselgen avtomobıl joldaryn táýlik boıy baqylaýda ustaýda. Jalpy uzyndyǵy 1 636,5 km trassalar turaqty nazarda.
Josparly tekserýler kezinde mamandar Jambyl, Pavlodar jáne Túrkistan oblystarynda alty ýchaskeden jergilikti temperatýralyq deformasıa tapty. Aqaýlardy joıýǵa elýden astam maman jumyldyryldy. Barlyq anyqtalǵan zaqymdar qysqa merzimde joıylyp, kólik qozǵalysy shekteýsiz jalǵasty.
Vedomstvo túsindirgendeı, ekstremaldy ystyqta sement-beton jabyndysynyń beti +60…+70 °C jáne odan da joǵary qyzýy múmkin. Osyǵan baılanysty beton taqtalarynda ishki kerneýler paıda bolyp, jergilikti deformasıaǵa ákeledi. Mundaı qubylystar uzaq ystyq kezeńderinde kóptegen elderge tán bolyp sanalady.