Qazaqstannyń jyljymaıtyn múlik naryǵynda erekshe habarlandyrý paıda boldy. Shyǵys Qazaqstan oblysynda 22,5 gektar aýmaqty tutas aral satylymǵa shyqty. Onyń baǵasy – 10 mıllıon dollar, dep habarlaıdy infohub.kz.
Habarlandyrý jergilikti jýrnalıserdiń nazaryn aýdardy. Ony halyqaralyq jyljymaıtyn múlik agenttiginiń negizin qalaýshy jarıalaǵan. Araldyń naqty orny ashyq kórsetilmegen – tolyq aqparat tek áleýetti ınvestorlarǵa ǵana beriledi. Jer jeke menshikte jáne biryńǵaı ınvestısıalyq joba retinde qarastyrylady.
– Bul tanymal nysan jasaýǵa arnalǵan oryn: elıtalyq demalys orny, jabyq klýb nemese iri týrısik keshen salýǵa múmkindik bar. Úlken sý aıdyny, jeke keńistik, tabıǵı landshaft jáne damý áleýeti bar, – delingen habarlandyrýda.
Mundaı usynystar aımaqta buryn da bolǵan. 2020 jyly Buqtyrma sý qoımasynda Qazdar araly satylymǵa qoıylǵan bolatyn. Sonda jergilikti bılik aýmaqtyń jeke menshikte ekenin túsindirgen. 1990-jyldary bul jer jeke tulǵaǵa jalǵa berilip, 2007 jyly onyń menshigine ótken.