Qazaqstan 2027 jylǵa arnalǵan aýqymdy jer qoınaýy aýksıondaryn daıyndap jatyr, dep habarlaıdy infohub.kz.
QR ónerkásip jáne qurylys mınıstrliginiń málimetinshe, Qazaqstan 2027 jyldan bastap Memlekettik geologıalyq zertteý (MGZ) baǵdarlamasy aıasynda daıyndalǵan jer qoınaýynyń jańa perspektıvaly ýchaskelerin ınvestısıalyq aýksıondarǵa shyǵara bastaıdy.
Bul týraly mınıstr Ersaıyn Naǵaspaevtyń Ulytaý oblysyna jumys sapary barysynda belgili boldy. Memleket tásildi ózgertýde: ınvestorlarǵa jaı ǵana bos aýmaqtar emes, daıyn, egjeı-tegjeıli ázirlengen elektrondyq derekter massıvi bar ýchaskeler usynylatyn bolady.
Bıyl eldiń 20 ýchaskesinde 1:50 000 masshtabtaǵy geologıalyq túsirilim (GT-50) jumystary bastaldy. Qamtylǵan aýmaqtyń jalpy aýdany 100 myń sharshy shaqyrymnan asady, jobalar 11 óńirde júzege asyrylýda. Ulytaý oblysynda 7 ýchaske sheginde 36 myń sharshy shaqyrym aýmaqta keshendi geologıalyq zertteýler júrgizilýde.
Munda keshendi zertteýler jalpy aýdany 36 000 sharshy shaqyrymdy quraıtyn 7 aýmaqty qamtıdy. Ulytaý jáne Abaı oblystarynda mamandar 300-ge jýyq uńǵyma burǵylady.
Sapaly derekterdi jınaý úshin «Ulttyq geologıalyq qyzmet» AQ úılestirýimen geologıalyq barlaý kompanıalarynyń toby quryldy. «Kazakhmys Barlau» JSHS Ulytaýda aeromagnıttik túsirilim, aerogravımetrıa jáne aerogamma-spektrometrıany qosa alǵanda, ozyq zertteýler júrgizýde. «Kazgeologıa» AQ («Taý-Ken Samuryq» quramynda) derekterdiń úzdiksizdigin onlaın baqylaý úshin joǵary dáldikti RTK-navıgasıasy bar ushqyshsyz keshenderdi paıdalanady. Ionic Leach sıaqty ozyq joǵary dáldikti geohımıalyq ádis qoldanylady.
Sonymen qatar, jer qoınaýynyń biryńǵaı sıfrlyq kadastry qurylýda. Árbir perspektıvaly ýchaske óziniń sıfrlyq pasportyn alady, bul ınvestorlarǵa geologıalyq aqparatqa jyldam jáne ashyq qol jetkizýdi qamtamasyz etedi.