2026 jyldyń qańtar-mamyr aılarynda Qazaqstan 172,8 mıllıon lıtr аlkogólsiz sýsyn eksporttap, odan 75,5 mıllıon dollar tabys tapty. Bul rette el ishinde bul ónimderdiń baǵasy aıtarlyqtaı ósti, dep habarlaıdy infohub.kz.
Ulttyq statısıka búrosynyń derekterine sáıkes, otandyq óndirýshiler atalǵan kezeńde 1,6 mıllıard lıtr mıneraldy sý jáne аlkogólsiz sýsyn shyǵarǵan, bul ótken jyldyń sáıkes kezeńimen salystyrǵanda 17%-ǵa artyq. İshki naryqta 1,7 mıllıard lıtr ónim satylǵan, bul ımporttyń 29,6%-ǵa — 217,1 mıllıon lıtrge deıin ósýimen túsindiriledi.
Qazaqstandyq kompanıalar óz ónimderin shetelge belsendi túrde satýda. Negizgi satyp alýshy Qyrǵyzstan boldy, oǵan 94,9 mıllıon lıtr ónim jóneltilip, 39 mıllıon dollar túsken. Ekinshi orynda Ózbekstan — 48,3 mıllıon lıtr jáne 28,1 mıllıon dollar. Sondaı-aq Reseıge (23,5 mıllıon lıtr) jáne Tájikstanǵa (2,9 mıllıon lıtr) aıtarlyqtaı kólemde jetkizilgen. Budan basqa, qazaqstandyq sýsyndar Armenıa, Grýzıa, Ázirbaıjan, Mońǵolıa jáne Ońtústik Koreıaǵa eksporttalady.
Sonymen qatar, qazaqstandyqtar úshin sýsyndar aıtarlyqtaı qymbattady. Mamyr aıynda аlkogólsiz sýsyndardyń baǵasy jyldyq kórsetkishte 15,7%-ǵa ósti. Ulttyq statısıka búrosynyń sońǵy derekteri boıynsha, shildede baǵa ósimi jyldyq esepte 13,8%-dy qurady. Atap aıtqanda, gazdalmaǵan sýsyndar 12,5%-ǵa, jemis-kókónis shyryndary 14,1%-ǵa, gazdalǵan sýsyndar 16,3%-ǵa, sý 16,9%-ǵa qymbattady. Salystyrý úshin, Qazaqstandaǵy jalpy ınflásıa shildede 10,2%-ǵa jetti.
Buǵan deıin elde shokolad pen energetıkalyq sýsyndar baǵasynyń óskeni habarlanǵan bolatyn.