Qazaqstanda sıfrlyq krımınalısıka salasynda mamandar daıarlaýǵa baǵyttalǵan jańa bilim berý baǵdarlamasy bastaldy. Elimizdiń kúsh qurylymdary júıesinde alǵash ret oqý eki dıplom alýdy kózdeıtin baǵdarlama boıynsha ótedi, dep habarlaıdy infohub.kz saıty.
Baǵdarlamaǵa QR İİM Basqarý akademıasynyń 20 magıstranty qatysýda. Kýrs aıasynda olar sıfrlyq krımınalısıka, kıberqaýipsizdik, sot saraptamasy jáne qylmystardy tergeýdiń zamanaýı ádisterin meńgeredi.
Jobany İİM Basqarý akademıasy Úndistannyń Ulttyq sot ǵylymdary ýnıversıtetimen (NFSU) birlesip, Prezıdent Ákimshiliginiń tapsyrmasy boıynsha jáne Ǵylym jáne joǵary bilim mınıstrliginiń qoldaýymen júzege asyrýda.
Oqýdy aıaqtaǵan soń túlekter eki ýnıversıtettiń de dıplomyn alady. Sonymen qatar, qazaqstandyq mamandar halyqaralyq tájirıbe alyp, sıfrlyq ortadaǵy qylmystardy tergeýde paıdaly bolatyn praktıkalyq daǵdylarǵa ıe bola alady.
NFSU sot saraptamasy, krımınologıa, sıfrlyq krımınalısıka jáne kıberqaýipsizdikke mamandanǵan.
Baǵdarlamanyń resmı iske qosylýyna İİM mınıstriniń mindetin atqarýshy Erjan Sádenov, Ǵylym jáne joǵary bilim mınıstriniń mindetin atqarýshy Saıasat Nurbek, sondaı-aq úndistandyq ýnıversıtet pen İİM Basqarý akademıasynyń ókilderi qatysty.