Qazaqstanda birqatar baǵyttar boıynsha jańa turaqty áýe reısterin ashý josparlanýda, bul elder arasyndaǵy kólik qoljetimdiligin aıtarlyqtaı keńeıtedi. Azamattyq avıasıa salasyndaǵy yntymaqtastyqty keńeıtý máseleleri QR Kólik vıse-mınıstri Talǵat Lastaevtyń qytaılyq Urumqi Airlines áýekompanıasynyń vıse-prezıdenti Chjan Lánmen kezdesýinde talqylandy, dep habarlaıdy infohub.kz.
Kelissózder barysynda qytaı tarapy Úrimshi – Qaraǵandy, Qulja (Inıng) – Astana jáne Qulja (Inıng) – Almaty baǵyttary boıynsha jańa turaqty reısterdi iske qosý josparlaryn aıtty. Qazaqstan tarapy óz kezeginde Óskemen jáne Semeı qalalarymen áýe qatynasyn ashý múmkindigin qarastyrýdy, al bolashaqta Zaısan jáne Katonqaraǵaıdaǵy jańa óńirlik áýejaılarmen baılanys ornatýdy usyndy. Bul josparlardyń iske asýy týrızmniń damýyna, kólik qoljetimdiliginiń artýyna jáne eki el arasyndaǵy saýda-ekonomıkalyq baılanystardyń nyǵaıýyna yqpal etedi.
Kezdesýde Qazaqstanda Urumqi Airlines qoldanatyn qytaılyq COMAC C909 áýe kemelerin paıdalana otyryp, óńirlik áýekompanıa qurý boıynsha birlesken jobanyń perspektıvalaryna erekshe nazar aýdaryldy. Taraptar bul ushaqtardy Zaısan, Katonqaraǵaı jáne týrısik áleýeti bar basqa da qalalarǵa baǵyttardy qosa alǵanda, óńirlik tasymaldaý úshin paıdalaný múmkindigin talqylady.
Kezdesý qorytyndysy boıynsha taraptar azamattyq avıasıa salasyndaǵy yntymaqtastyqty odan ári damytýǵa jáne birlesken jobalardy iske asyrýǵa ózara qyzyǵýshylyqtaryn rastady.