Qazaqstannyń Norvegıadaǵy elshisi Ádil Tursynov Osloda ótken kоról Harald V-niń memlekettik jerleý rásimine qatysty, dep habarlaıdy infohub.kz.
QR Syrtqy ister mınıstrliginiń baspasóz qyzmetiniń málimetinshe, 9 qyrkúıekte qazaqstandyq dıplomat Oslo kafedraldy soborynda ótken aza tutý sharasyna qatysty. Shara aıasynda ol resmı kóńil aıtý kitabyna jazba qaldyryp, monarhpen qoshtasý rásimine qatysty.
Rásimge myńǵa jýyq qonaq qatysty, onyń ishinde Norvegıa men basqa elderdiń kоróldik otbasy músheleri, memleket jáne úkimet basshylary, Norvegıa parlamentiniń (Stortıng) depýtattary, dıplomatıalyq korpýs ókilderi men qoǵam ókilderi bar.
Eske salaıyq, 28 tamyzda Norvegıa koroli Harald V ómiriniń 89-jylynda qaıtys bolǵan edi. Ol aýrýhanada jaıbaraqat dúnıeden ozǵany habarlandy. Onyń qaıtys bolýynan keıin taq onyń uly Hokonǵa ótti.
Qazaqstan Prezıdenti Qasym-Jomart Toqaev ákesiniń qaıtys bolýyna baılanysty Norvegıanyń jańa koroli Hokon VIII-ge kóńil aıtý jedelhatyn joldady.