Jańa oqý jyly qarsańynda qazaqstandyq mektepter oqýshylardyń tamaqtanýyn uıymdastyrýǵa qoıylatyn jańartylǵan talaptardy engizýge daıyndalýda. Bilim berý uıymdarynyń daıyndyǵy men jańa standarttyń saqtalýy týraly Ortalyq komýnıkasıalar qyzmetinde ótken brıfıńte bas memlekettik sanıtarlyq dáriger Sarhat Beısenova aıtyp berdi, dep habarlaıdy infohub.kz saıty.
Beısenovanyń aıtýynsha, qazirgi ýaqytta oqýshylardyń tamaqtanýynyń sapasy men qaýipsizdigine erekshe nazar aýdarylýda. 2025 jyldyń 1 qyrkúıeginen bastap bilim berý uıymdarynda jańa tamaqtaný standarty kúshine enedi. Ol taǵamdardaǵy qant mólsherin 3,6 esege, tuzdy 5 esege azaıtýdy kózdeıdi. Sondaı-aq kókónister, jemister jáne sút ónimderiniń úlesi artady, al mázirden shujyq ónimderi, ystalǵan et, spredter jáne quramynda qant pen tuz kóp basqa da ónimder tolyǵymen alynyp tastalady. Quramynda qant bar sýsyndar men shyryndar sý, sút jáne ashytylǵan sút sýsyndarymen aýystyrylady.
Bul ózgeristerdiń basty maqsaty — balalardyń salaýatty tamaqtaný rasıonyn qalyptastyrý jáne semizdik, qant dıabeti, júrek-qan tamyrlary jáne basqa da sozylmaly aýrýlardyń damý qaýpin azaıtý.
Buǵan deıin bıylǵy jyldyń maýsym aıynda sanıtarlyq dárigerler otandyq mektepterde aýqymdy tekserý júrgizip, sanıtarlyq-epıdemıologıalyq talaptardyń ártúrli buzýshylyqtaryn anyqtaǵany habarlanǵan bolatyn. Olardyń kópshiligi — 2087-i — mektepterdiń as blogtarynan tabylǵan. Atap aıtqanda, asqanalardyń qanaǵattanarlyqsyz sanıtarlyq-tehnıkalyq jaǵdaıy, sondaı-aq as bloktarynyń tehnologıalyq jáne tońazytqysh jabdyqtarmen nashar jaraqtandyrylýy anyqtaldy. Mundaı buzýshylyqtardyń eń kóp sany Túrkistan oblysynda (259), Qaraǵandy oblysynda (163), Almatyda (123) jáne Qyzylorda oblysynda (115) tirkeldi.