Nazarbaev Ýnıversıtetiniń BULAN komandasy Gonkongte ótken ABU Robocon 2026 halyqaralyq robototehnıka chempıonatynda Mabuchi Motor Award arnaıy syılyǵyn jeńip aldy, dep habarlaıdy infohub.kz saıty.
Ǵylym jáne joǵary bilim mınıstrligindegilerdiń aıtýynsha, jarysqa 21 eldiń ýnıversıtet komandalary qatysty.
«Mabuchi Motor Award ınjenerlik sheshimderdiń ózindik ereksheligi, mehanıkalyq qurylym sapasy jáne mehanıkalyq, elektrondyq jáne baǵdarlamalyq komponentterdiń tıimdi úılesimi úshin beriledi. Chempıonatqa qatysý Qazaqstan úshin jeti jyldyq úzilisten keıin ABU Robocon halyqaralyq arenasyna qaıta oralý boldy. Bıylǵy ulttyq irikteý men quramany daıyndaýdy USTEM Foundation qoǵamdyq qory uıymdastyrdy», – dep atap ótti vedomstvoda.
İrikteý kezeńi 1 shildede Almaty Tech Cup aıasynda ótti. Qorytyndysy boıynsha Nazarbaev Ýnıversıtetiniń BULAN komandasy jeńiske jetip, Gonkongtegi fınalda Qazaqstannyń atynan qatysý quqyǵyn aldy.
Quramaǵa ártúrli mamandyqtardyń 28 stýdenti – mehanıkter, elektronıkter, baǵdarlamashylar, dızaınerler jáne joba menedjerleri endi. Halyqaralyq kezeńde eldi Meıirjan Tazdarbaı, Temirlan Amangeldi, Aımedet Taýfık, Farshed Ibrohımov jáne Dastan Musrepov tanystyrdy.
Mabuchi Motor Award japondyq Mabuchi Motor kompanıasynyń shaǵyn elektr qozǵaltqyshtaryn óndirýge mamandanǵan kompanıasynyń syılyǵy. Ol jobalaýǵa erekshe kózqaras tanytqan, mehanıkalyq ınjenerıanyń joǵary deńgeıin kórsetken jáne tehnologıalardy keshendi qoldanǵan komandalarǵa beriledi.