2026 jyldyń 1 qyrkúıeginen bastap Qazaqstanda shyny bótelkedegi syra men syra sýsyndaryn mindetti sıfrlyq tańbalaý engiziledi, dep habarlaıdy infohub.kz saıty.
QR Qarjy mınıstrligi Memlekettik kirister komıtetinde atap ótkendeı, osy kúnnen keıin óndirilgen nemese ákelingen ónimde Data Matrix tańbalaý kody bolýy tıis.
Tańbalaý kezeń-kezeńimen engiziledi: 2026 jyldyń 1 aqpanynan bastap — kegtegi ónimge, 2026 jyldyń 1 qyrkúıeginen bastap — shyny bótelkelerge, al 2027 jyldyń 1 qańtarynan bastap — qańyltyr bankilerge.
«Budan ári ónimniń aınalymǵa qatysýshylar arasynda berilýi kezinde elektrondyq resimdeýmen jáne qujattardy rastaýmen tolyq qadaǵalanýy qamtamasyz etiletin bolady», — dep atap ótti vedomstvoda.
MKK qosqandaı, sıfrlyq tańbalaý taýardyń óndirýshiden nemese ımporttaýshydan bólshek saýdaǵa deıingi jolyn qadaǵalaýǵa múmkindik beredi, bul naryqtyń ashyqtyǵyn arttyrýǵa yqpal etedi.
Syra ónimderiniń aınalymyna qatysýshylar tanba.markirovka.kz portalyndaǵy SS MPT-ǵa tirkelip, taýar kartochkalaryn tirkeýdi bastaýy qajet. Bul prosedýrany aldyn ala aıaqtaý usynylady, osylaısha tańbalaý kodtaryn alýǵa bolady.
Sonymen qatar, mindetti tańbalaý engizilgenge deıin óndirilgen tańbalanbaǵan syra qaldyqtaryn bir jyl boıy satýǵa bolady.