Qazaqstan, Ýkraına jáne Chehıa polısıasy ınternet-alaıaqtardyń eki transulttyq qylmystyq tobyn joıdy, dep habarlaıdy infohub.kz.
QR İİM departament bastyǵy – resmı ókili Shyńǵys Álekáshevtiń aıtýynsha, kıberqylmysqa qarsy kúres aıasynda İİM qyzmetkerleri ınternet-alaıaqtyqqa shetel azamattarynyń qatysy bar ekenin anyqtaǵan. Qyzmettik issapar barysynda Ýkraına Ulttyq polısıasy jáne Chehıa polısıasymen birlesip, eki transulttyq qylmystyq toptyń áreketine jol berilmedi.
Zaporoje qalasynda alaıaqtardyń eki koll-ortalyǵy joıyldy. Qylmyskerler ózderin bank qyzmetkerleri men quqyq qorǵaý organdarynyń ókili retinde tanystyryp, qazaqstandyqtarǵa qońyraý shalyp, olardyń shottarynyń derekterin aldap alǵan. 9 adam ustaldy. Tintý kezinde 17 kompúter, 62 uıaly telefon, sondaı-aq 35 gram «metadon» preparaty tárkilendi.
Odessa qalasynda alaıaqtardyń úsh koll-ortalyǵy joıyldy. Olar iri ınvestısıalyq jalǵan kompanıalarǵa aqsha salý syltaýymen ınternet-alaıaqtyqpen aınalysqan. Munda 23 adam ustalyp, onyń 9-y ýaqytsha ustaý ızolátoryna qamaldy. 8 avtokólik, 58 noýtbýk, 52 smartfon, 100-den astam sım-karta, sondaı-aq 200 myń AQSh dollarynan astam somadaǵy sıfrlyq aktıvter tárkilendi.
«Qazirgi ýaqytta tergeý jáne jedel-izdestirý is-sharalary jalǵasýda», — dedi Shyńǵys Álekáshev.