Aýa raıynyń turaqsyzdyǵy Qazaqstannyń basym bóliginde saqtalady, dep habarlaıdy infohub.kz Kazinform agenttigine silteme jasap.
«Kazgıdromet» RMK baspasóz hatshysy Alına Ismagýlova Ortalyq komýnıkasıalar qyzmetinde ótken brıfıńte 29 sáýirde naızaǵaı oınap, jańbyr jaýatynyn, al ońtústik-shyǵys taýly aımaqtarynda jańbyr men qar jaýatynyn málimdedi.
«Tek ońtústik-batys, soltústik-batys jáne ortalyq aımaqtarda antısıklon tarmaǵynyń áserinen jaýyn-shashynsyz aýa raıy bolady. Respýblıka boıynsha jel kúsheıedi, batys pen soltústikte burshaq, ońtústik-batys pen ońtústikte daýyl men shańdy daýyl, ońtústik-shyǵysta tuman kútiledi», — dep Ismagýlovanyń sózin keltiredi Kazinform agenttiginiń tilshisi.
Alına Ismagýlova taǵy da túnde shyǵysta, Jambyl oblysynyń taýly aımaqtarynda aýa temperatýrasy -2 gradýsqa deıin tómendep, aıaz bolatynyn aıtty.
Mańǵystaý oblysynyń basym bóliginde, Qyzylorda oblysynyń ortalyǵy men ońtústiginde, Túrkistan oblysynyń soltústiginde, Atyraý oblysynyń ońtústiginde, Jetisý oblysynyń soltústiginde, Abaı oblysynyń ońtústiginde jáne Qaraǵandy oblysynyń ońtústiginde órt qaýpi joǵary deńgeıde saqtalýda.