Qazaqstannyń Ádilet mınıstrligi otandyq telearnalar men radıostansıalardyń ókilderine quqyqtardy ujymdyq basqarý salasyndaǵy Biryńǵaı sıfrlyq platformany (BSP) tanystyrdy. Vedomstvo júıeniń negizgi múmkindikterin avtorlyq jáne sabaqtas quqyqtarǵa arnalǵan dóńgelek ústel barysynda kórsetti, dep habarlaıdy infohub.kz saıty.
Kezdesý aıasynda qatysýshylar qazaqstandyq zańnamanyń negizgi normalaryn, sondaı-aq olardy qoldanýdyń praktıkalyq máselelerin egjeı-tegjeıli talqylady. Dóńgelek ústel qorytyndysy boıynsha taraptar qoldanystaǵy normalardy qalaı oryndaý kerektigi jáne osy saladaǵy quqyqtyq retteýdi qaı baǵytta odan ári damytý qajettigi týraly pikir almasty.
Avtorlyq quqyqtardy qorǵaý jónindegi basty uıymdardyń biri — BUU-nyń bólimshesi retinde avtorlyq quqyqtardy saqtaý saıasatyn júrgizetin DDU — Dúnıejúzilik zıatkerlik menshik uıymy.
Óz ókilettigi sheginde bul vedomstvo ártúrli elderdi zıatkerlik menshikti qorǵaý jónindegi halyqaralyq konvensıalarǵa, atap aıtqanda, avtorlyq quqyq salasyndaǵy konvensıalarǵa qosylýǵa shaqyrady. Qazaqstan osyndaı barlyq konvensıalarǵa qosyldy, bul bizdiń «Avtorlyq quqyq jáne sabaqtas quqyqtar týraly» zańymyzdyń avtorlyq quqyqtyń halyqaralyq qaǵıdattary men normalaryna sáıkes keletinin bildiredi.
Buǵan deıin Qazaqstanda oryndaýshylardyń quqyqtaryn qorǵaý úshin Biryńǵaı sıfrlyq platforma qurý usynylǵan bolatyn. Árbir jergilikti mýzykanttyń jeke kabıneti bolady, onda olar óz ánderiniń qaıda jáne qansha ret oınatylǵanyn onlaın baqylaı alady dep ýáde etilgen edi.