3–5 qazan aralyǵynda Qazaqstan aýmaǵynda aýa raıy kúrt ózgeredi: qyrkúıek sońyndaǵy jyly kúnderdiń ornyna sýyq ári qolaısyz aýa raıy ornaıdy, dep habarlaıdy infohub.kz saıty.
NUR.KZ agenttigi «Qazgıdromet» RMK-ǵa silteme jasap habarlaýynsha, aýa raıynyń ózgerýi qýatty soltústik sıklonnyń ótýimen baılanysty.
Sınoptıkterdiń boljamynsha, aldaǵy kúnderi jańbyr men qar túrindegi jaýyn-shashyn eldiń barlyq derlik óńirinde jaýady. Eldiń soltústiginde kezeń sońynda túngi ýaqytta qar, kóktaıǵaq jáne tómengi burqasyn kútiledi. Tek ońtústik pen shyǵysta ǵana jańbyr jaýady. Batysta jáne soltústikte túngi jáne tańǵy ýaqytta tuman bolady. Respýblıka boıynsha jel kúsheıedi.
Qazaqstan óńirlerindegi aýa temperatýrasy bylaısha boljanady: eldiń soltústik jartysynda túnde -1-6°S-qa deıin tómendeıdi; kúndizgi ýaqytta soltústik-batysta, soltústikte jáne eldiń ortalyǵynda 0,+5°S-qa deıin tómendeıdi; shyǵysta +7+12°S bolady; ońtústikte jáne ońtústik-shyǵysta — +10+15°S-qa deıin; taýly aýdandarda — 0,+5°S; eldiń batysynda +10+18°S-qa deıin kóteriledi.