Japonıada ótken 2026 jylǵy XX jazǵy Azıa oıyndarynda aýyr atletıkadan Qazaqstan quramasy sońǵy kúni medalsyz qaldy, dep habarlaıdy infohub.kz saıty.
86 keliden joǵary salmaq dárejesinde Lúbov Kovalchýk synǵa tústi. Ol julqı kóterýde 115 keli, serpip kóterýde 152 kelini baǵyndyrdy. Qossaıys qorytyndysy 267 keli bolyp, sportshyǵa tórtinshi oryndy áperdi.
Jeńisti Qytaıdan kelgen eki dúrkin olımpıada chempıony Lı Venven jeńip aldy — 310 keli (140+170). Kúmisti Ońtústik Koreıa ókili Pak He Chon ıelendi — 300 keli (133+167). Úshinshi oryndy Katar sportshysy Ýısal Ihlef mise tutty — 273 keli (120+153).
86 kelige deıingi salmaq dárejesinde qazaqstandyq Aıganym Janbolat jetinshi orynǵa turaqtady — 232 keli (102+130). Munda qytaılyq Ý Ian jeńimpaz atandy — 273 keli (124+149). Kúmis Bahreın ókili Alına Marýshakqa buıyrdy — 272 keli (124+148). Qolany ırandyq Mahsa Beheshtı aldy — 259 keli (113+146).
Osylaısha, aýyr atletıkadan Qazaqstan quramasy 2026 jylǵy Azıa oıyndaryn úsh kúmis medalmen aıaqtady.