27 qyrkúıekke qaraǵan túni Qazaqstannyń segiz oblysynda jáne astanada túngi úsik kútiledi. Al respýblıkanyń ońtústigi men ońtústik-shyǵysynda naızaǵaıly jańbyr jaýady, kúndiz keı jerlerde shańdy daýyl turýy múmkin. Bul týraly Qazgıdromet derekterine silteme jasap, infohub.kz saıty habarlaıdy.
Sınoptıkterdiń boljamynsha, el aýmaǵynyń basym bóliginde aýa raıy qurǵaq bolady. Naızaǵaıly jańbyr Túrkistan, Jambyl jáne Qyzylorda oblystarynda jaýady. Shymkentte jaýyn-shashyn tańerteń jáne kúndiz, Tarazda túnde kútiledi.
Túrkistan oblysynyń soltústiginde, sondaı-aq Qyzylorda oblysynyń soltústigi men ortalyǵynda kúndiz shańdy daýyl turýy múmkin. Birqatar óńirde jel ekpini sekýndyna 15–20 metrge jetedi.
Túnde Aqmola, Aqtóbe, Qostanaı, Soltústik Qazaqstan, Pavlodar, Shyǵys Qazaqstan oblystary men Abaı oblysynyń keıbir aýdandarynda aýa temperatýrasy úsikke deıin tómendeıdi. Qaraǵandy oblysynyń shyǵysynda topyraq betinde bir gradýsqa deıin úsik kútiledi.
Astanada túnde topyraq betinde eki gradýsqa deıin úsik boljanady. Pavlodarda — bir gradýsqa deıin jáne tuman. Túnde jáne tańerteń tuman eldiń batysy, soltústigi men ortalyǵyndaǵy birqatar aýdanda, onyń ishinde Oral men Petropavlda da kútiledi.
14 oblysta órt qaýpi tolyq nemese jekelegen aýdandarda saqtalady. Olardyń qatarynda Túrkistan, Jambyl, Qyzylorda jáne Almaty oblystary, sondaı-aq Ulytaý men Jetisý oblystary bar. Qaraǵandy, Jezqazǵan, Atyraý, Shymkent, Túrkistan, Qyzylorda jáne Tarazda bul eskertý qalalarǵa da qatysty.
Buǵan deıin Qazgıdromet Qazaqstanǵa túngi úsik pen alǵashqy qar kele jatqanyn eskertken bolatyn.