Qazaqstan áıelder voleıbol quramasy Qytaıdyń Tánszın qalasynda ótip jatqan Azıa chempıonatynda senimdi bastady. Toptyq kezeńniń ekinshi týrynda qazaqstandyq sportshylar Avstralıa quramasymen kezdesip, 3:0 (25:21, 25:18, 25:21) esebimen jeńiske jetti, dep habarlaıdy infohub.kz.
Bas bapker Asqar Shalqybekovtiń jetekshiligimen ulttyq qurama úılesimdi oıyn kórsetip, qarsylastaryna múmkindik qaldyrmady. Qazaqstan quramasy sapynda taǵy da úzdik oıynshy atanyp, 20 upaı jınaǵan oıynshy Tatána Nıkıtına óziniń joǵary deńgeıin rastady.
Eki týrdan keıin qazaqstandyq voleıbolshylardyń enshisinde úsh upaı bar. Taıland pen Indonezıa quramalary da sonsha upaı jınap, olarǵa ekinshi týrdyń oıyny alda. Avstralıalyqtar ázirge V tobynda upaısyz sońǵy orynda tur.
Shırek fınalǵa tórttiktiń eki úzdik komandasy shyǵady. Úshinshi oryn alǵan qurama pleı-offqa shyǵý múmkindigin saqtaıdy. Toptyq kezeńniń sońǵy týrynda qazaqstandyq komanda Taıland quramasymen kezdesedi. Mach 25 tamyzda Astana ýaqytymen 07:00-de ótedi.