Qazaqstan quramasy Japonıada ótip jatqan Azıada-2026 oıyndarynyń medal qorjynyn baıdarka men kanoe esýinen eki júldemen tolyqtyrdy. 500 metr qashyqtyqtaǵy fınaldyq jarystarda Olga Shmeleva men Tatána Tokarnıskaıa baıdarka-qos esýinen kúmis júldeger atandy, al Sergeı men Tımofeı Emelánovtar kanoe-qos esýinen qola medal jeńip aldy, dep habarlaıdy infohub.kz saıty.
Shmeleva men Tokarnıskaıa 500 metrdi 1 mınýt 48,140 sekýndta júzip ótti. Qazaqstandyq sportshylar Qytaıdan kelgen jeńimpazdar Iýı Shımen men In Mendege 3,130 sekýnd utyldy.
Qola medaldi Ózbekstan ókilderi Arına Tanatmysheva men Ekaterına Shýbına jeńip aldy – 1:49,585.
AZIADA-2026
24 qyrkúıek. Baıdarka men kanoe esýi. Baıdarka-qos, 500 m. Áıelder
🥇 1. Iýı Shımen / In Mende (Qytaı) – 1:45,010
🥈 2. Olga Shmeleva / Tatána Tokarnıskaıa (Qazaqstan) – 1:48,140
🥉 3. Arına Tanatmysheva / Ekaterına Shýbına (Ózbekstan) – 1:49,585
Qazaqstanǵa taǵy bir júldeni Sergeı men Tımofeı Emelánovtar ákeldi. Kanoe-qostar fınalynda olar 1:44,972 nátıje kórsetip, úshinshi oryn aldy.
Altyn medaldi qytaılyq Ý Shenúe men Szı Boven jeńip aldy – 1:40,741. Ózbekstandyq Artýr Gýlıev pen Vladlen Denısov ekinshi orynǵa turaqtady – 1:42,878.
AZIADA-2026
24 qyrkúıek. Baıdarka men kanoe esýi. Kanoe-qos, 500 m. Erler
🥇 1. Ý Shenúe / Szı Boven (Qytaı) – 1:40,741
🥈 2. Artýr Gýlıev / Vladlen Denısov (Ózbekstan) – 1:42,878
🥉 3. Sergeı Emelánov / Tımofeı Emelánov (Qazaqstan) – 1:44,972
Endi Qazaqstan quramasynyń qorjynynda 23 medal bar: segiz altyn, alty kúmis jáne toǵyz qola.
Japonıadaǵy XX Jazǵy Azıa oıyndary resmı túrde 19 qyrkúıekte ashyldy. 45 eldiń sportshylary qatysatyn jarystarda 460 medal jıyntyǵy sarapqa salynýda. Azıada-2026-da Qazaqstan quramasynyń quramynda 35 sport túrinen 558 sportshy óner kórsetýde.
Azıada-2026 sholýlary: 1-kún, 2-kún, 3-kún, 4-kún.