Qazaqstan quramasy 2026 jylǵy Azıa oıyndarynda bir jarys kúninde álemdik rekord ornatyp, bes medal jeńip aldy. Alaıda dúısenbi kúni qazaqstandyq sportshylarǵa altyn júlde buıyrmady, dep habarlaıdy infohub.kz saıty.
Azıada-2026-nyń kezekti kúniniń qorytyndysy boıynsha Ózbekstan quramasy jalpy esepte tórtinshi oryn úshin kúreste Qazaqstannan aıyrmasyn ulǵaıtty.
Sonymen qatar Iasmına Toqsanbaevanyń dıskvalıfıkasıasy resmı túrde bekitildi. Osynyń saldarynan jeńil atlet marafondyq qashyqtyqtaǵy sporttyq júriste júldesiz qaldy — ol bul saıysta birinshi bolyp márege jetken edi.
28 qyrkúıekte Qazaqstannyń aýyr atletıka quramasy eki kúmis medal jeńip aldy. Onyń ústine Alekseı Chýrkın (85 kelige deıin) julqı kóterýde álemdik rekord ornatty. Taǵy bir júldeger — Nurǵısa Ádiletuly (95 kelige deıin).
400 metrge kedergilermen júgirýde Azıadanyń kúmisin Adelına Zems aldy. Sınhrondy júzýde Qazaqstan quramasy komandalyq týrnırde qola júldege qol jetkizdi. Dál osyndaı júldeni kýrash kúresinen Ádilet Ahmetǵalı (81 kelige deıin) ıelendi.
Qazaqstan quramasy jalpy esepte besinshi orynda qalyp, kúmis medaldarynyń kóptiginiń arqasynda Taılandtan ozyp tur. Tórtinshi oryndy dúısenbide eki altyn alǵan Ózbekstan quramasy bekitti.