Qazaqstanda Birikken Arab Ámirlikterine uıymdastyrylǵan týrlar úshin týrkodtar qaıta berile bastady. Shekteý 28 aqpanda, Taıaý Shyǵystaǵy jaǵdaı ýshyqqan kezde engizilgen bolatyn, dep habarlaıdy infohub.kz saıty.
«Týrısik Qamqor» korporatıvtik qorynyń NUR.KZ tilshisine málimdeýinshe, qazirgi tańda syrtqy týrızm salasynda azamattardyń quqyqtaryn kepildendirý júıesi tarapynan BAÁ-ge uıymdastyrylǵan týrlar úshin týrkodtar berýge qoıylǵan shekteý alyndy.
«Jaǵdaı turaqtalyp, týrıser úshin táýekelder azaıǵan saıyn BAÁ baǵyty boıynsha týrkodtar berý qalpyna keltirildi jáne qalypty rejımde jalǵasýda. Kepildendirý júıesine qatysatyn týroperatorlar Ámirlikterge uıymdastyrylǵan týrlardy satyp alǵan týrıserge týrkodtardy rásimdeı alady. BAÁ-men týrısik qatynastyń qalpyna kelgeniniń taǵy bir dáleli — turaqty áýe qatynasynyń qaıta jandanýy. Máselen, Air Astana áýekompanıasy 2026 jylǵy 2 qazannan bastap Dýbaıǵa turaqty reısterin qaıta bastaıdy», — dep habarlady qorda.
Qorda 28 aqpanda Taıaý Shyǵystaǵy turaqsyz jaǵdaıǵa baılanysty «Týrısik Qamqor» óńirdegi birqatar elge týrlar boıynsha týrkodtar berýdi ýaqytsha toqtatqanyn eske saldy.
«Biz úshin týrıserdiń qaýipsizdigi men týrısik naryqtyń tolyqqandy jumys isteý múmkindigi arasyndaǵy tepe-teńdikti saqtaý asa mańyzdy. Shekteýler táýekelder joǵary kezeńderde aldyn alý sharasy retinde engiziledi jáne jaǵdaı talap etkennen uzaq saqtalmaýy tıis. Bizdiń mindetimiz — ózgeristerge jedel den qoıyp, sonymen birge týrıserge kepildendirý júıesiniń qorǵaý tetikterin paıdalaný múmkindigin qamtamasyz etý», — dedi «Týrısik Qamqor» korporatıvtik qorynyń tóraıymy Inna Reı.
Qorda «Týrısik Qamqor» óńirdegi jaǵdaıdy baqylaýdy jalǵastyratynyn jáne týrıserge shetelge sapar josparlaǵanda memlekettik organdar men áýekompanıalardyń ózekti usynymdaryn eskerý qajettigin eske salatynyn qosty.
Eske salaıyq, qyrkúıektiń ortasynda Air Astana áýekompanıasy qazannan bastap Almaty men Astanadan Dýbaıǵa turaqty reısterin qaıta bastaıtynyn jarıalaǵan bolatyn. Ushý jıiligi bir aı ishinde birtindep arttyrylady.