Aıtı men Nagoıada (Japonıa) ótip jatqan jazǵy Azıa oıyndarynda qazaqstandyq dzúdoshy Ajar Asqat kúmis medal jeńip aldy, dep habarlaıdy infohub.kz saıty.
Ulttyq qurama sapyndaǵy sportshy 70 kelige deıingi salmaq dárejesinde óner kórsetip, fınalǵa shyqty. Altyn medal úshin sheshýshi beldesýde qazaqstandyq tatamı qojaıyny — japonıalyq Rın Maedamen kezdesti.
Fınaldyq beldesý Aichi International Arena tatamıinde ótti. Japonıalyq sportshy beldesýdi merziminen buryn aıaqtady: Maeda 1 mınýt 18 sekýndta ıpponmen jeńiske jetti. Oǵan deıin ol «ıýko» baǵasyn da alǵan bolatyn.
Osylaısha, Asqat ekinshi oryndy ıelenip, Qazaqstan quramasyna Azıa oıyndary-2026-nyń kúmis júldesin syılady.
Aıta keteıik, dál osy jarys kúni erler arasyndaǵy dzúdo týrnırinde taǵy bir qazaqstandyq sportshy medal aldy. 81 kelige deıingi salmaq dárejesinde Ádilet Almat ta fınalda japonıalyq Sotaro Fýdzıvaraǵa jol berip, kúmis júldeger atandy.