Japonıada ótip jatqan Azıa oıyndarynyń ekinshi týrynda Qazaqstannyń erler sý doby komandasy Gonkong quramasyn 29:15 (8:3, 9:4, 6:1, 6:7) esebimen oısyrata jeńdi, dep habarlaıdy infohub.kz saıty.
Bir kún buryn vaterpolo týrnıriniń starttyq machynda qazaqstandyqtar jarys ıelerine jol bergen bolatyn. Oıyndardyń bes dúrkin chempıondary alty dúrkin jeńimpazdarǵa 19:11 esebimen utyldy.
Búgin chernogorıalyq maman Nemaná Knejevıch shákirtteri áldeqaıda sátti óner kórsetti. Birinshi kezeńnen keıin-aq qazaqstandyqtar 8:3 esebimen alda boldy. Sońǵy shırekke deıin Qazaqstan quramasy aıyrmashylyqty 15 golǵa jetkizdi. Nátıjesinde jeńis esepte eki esege jýyq basymdyqpen — 29:15 boldy.
Týrnırdiń shırek fınalyna barlyq segiz qatysýshy komanda shyǵady. Toptyq machtar pleı-off úshin komandalardy «sebý» úshin ǵana qajet.
AZIA OIYNDARY-2026. Sý doby. Erler. A toby: Taıland — Gonkong 15:24, Japonıa — Qazaqstan 19:11, Qazaqstan — Gonkong 29:15. V toby: Ońtústik Koreıa — Qytaı 15:14, Iran — Sıngapýr 19:8.
Azıadanyń erler arasyndaǵy sý doby týrnıri 1951 jyldan beri ótkizilip keledi. Qazaqstandyq vaterpolshylar ony alty ret jeńip alǵan (1994, 1998, 2002, 2010, 2014, 2018). Taǵy eki ret (2006, 2022) qola júldeger atandy.
XX Jazǵy Azıa oıyndary resmı túrde 19 qyrkúıekte ashyldy jáne 4 qazanda aıaqtalady. 45 eldiń sportshylary qatysatyn jarystarda 460 medal jıyntyǵy sarapqa salynýda. Azıada-2026-da Qazaqstan quramasynyń quramynda 35 sport túrinen 558 sportshy óner kórsetýde.
Oıyndardyń birinshi kúni qazaqstandyqtar tórt altyn medal jeńip aldy. Oıyndar chempıondary atanǵandar: veloshabandozdar Rınata Sýltanova men Alekseı Lýsenko, sondaı-aq karatıster Jolaman Bıgabyl men Sofá Berýlseva. Quramanyń qorjynyna besinshi altyndy MMA saıyskeri Erkinǵalı Búrkitalın qosty. Altynshysyn — onyń aralas jekpe-jek komandasyndaǵy joldasy Qadyrbek Shynbaev. 23 qyrkúıekte Lýsenko AI-2026-nyń eki dúrkin chempıony atandy. Segizinshi joǵary dárejeli medaldi 24 qyrkúıekte eskekshiler Vladıslav Iakovlev pen Ivan Chernýhın erler arasyndaǵy jup eskekti qaıyqtar saıysynda jeńip aldy. Iasmına Toqsanbaeva búgin marafondyq júris saıysynda toǵyzynshy altyndy jeńip aldy.
Oıyndardyń jeti kúninen keıin Qazaqstan beıresmı medal esebinde besinshi orynda turdy.