Qazaqstan Kólik mınıstrligi jolaýshylardy, bagajdy jáne júkti áýe kóligimen tasymaldaý erejelerine túzetýler engizýdi usyndy, dep habarlaıdy infohub.kz.
Túzetýlerdiń biri mýzykalyq aspaptarǵa qatysty. Olardy ushaq salonynda qol júgi retinde, bólek jolaýshy ornynda nemese tirkelgen bagajben tasymaldaý josparlanýda. Dombyra, qobyz jáne basqa aspaptardy qorǵanysh qaptamada salonǵa alýǵa ruqsat etiledi. Alaıda shekteýler bar: ólshemi — 110×35×30 sm-den, salmaǵy — 10 kg-nan aspaýy kerek.
Joba sondaı-aq janýarlardy ushaq salonynda tasymaldaý múmkindigin qarastyrady — avıakompanıa belgilegen sharttar boıynsha. Taǵy bir túzetý múgedektigi bar jolaýshylarǵa arnalǵan. Kólik mınıstrligi osy sanattaǵy azamattarǵa áýe tasymaly boıynsha jeńildikterdi zańnamalyq deńgeıde bekitýdi usynady.
Budan basqa, bılik avıakompanıa ushaqty syıymdylyǵy az modelge aýystyrǵan jaǵdaıda ereje engizgisi keledi. Ondaı jaǵdaıda otyrǵyzý kezinde kámeletke tolmaǵandar, múgedektigi bar adamdar, aýyr naýqastar, júkti áıelder men zeınetkerlerge basymdyq berilýi tıis.
Jolaýshylar quqyǵyn qorǵaý úshin jolaýshyny jetkizýdi keshiktirgeni úshin aıyppul tóleýdiń naqty merzimin belgileý usynylady — ótinish berilgen kúnnen bastap 10 kúntizbelik kúnnen aspaýy kerek. Avıakompanıalar tirkelmegen bagajdyń búlinýine jaýap berýge mindetti bolýy múmkin, eger tasymaldaýshynyń kinási dáleldense.