Bangkokta (Taıland) sý sporty túrlerinen Azıa chempıonaty bastaldy. Osy jarysta Qazaqstan quramasy tuńǵysh medalin jeńip aldy, dep habarlaıdy infohub.kz.
Qazaqstandyq sportshy Vıktor Drýzın kórkem júzýden Azıa chempıonatynyń altyn medalin ıelenip, qatarynan ekinshi ret qurlyq birinshiliginiń jeńimpazy atandy.
Tehnıkalyq solo baǵdarlamasynda Drýzın 231,8550 bal jınap, birinshi orynǵa ıe boldy jáne osy pán boıynsha Azıanyń úzdik sportshysy mártebesin rastady.
Kúmis pen qola medaldar Qytaı men Taıland ókilderine buıyrdy.
Eske salaıyq, Vıktor Drýzın ótken jyly da Azıa chempıonatynda jeńiske jetken bolatyn. Osylaısha, búgingi jetistik ol úshin qurlyq deńgeıindegi ekinshi qatarynan tabys boldy.