Qazaqstan fýtbol federasıasy nıderlandtyq maman Djon van’t Skıppen ulttyq quramanyń bas jattyqtyrýshysy bolýy týraly kelisimge keldi, dep habarlaıdy infohub.kz saıty.
Taǵaıyndaý resmı túrde federasıa jarǵysyna sáıkes QFF Atqarý komıtetimen kelisilgennen keıin júzege asyrylady. Komıtet otyrysy jaqyn kúnderi ótedi, sodan keıin jattyqtyrýshymen kelisimshartqa qol qoıylady.
Fýtbolshy retinde van’t Skıp amsterdamdyq «Aıaksta» jáne ıtalıalyq «Djenoada» oınady, sondaı-aq Nıderland ulttyq quramasynyń namysyn qorǵady, onyń quramynda 1988 jylǵy Eýropa chempıony atandy.
Van’t Skıp jattyqtyrýshylyq mansabyn «Aıaks» júıesinde bastady. Ár jyldary ol amsterdamdyq klýbty, sondaı-aq «Tvente», «Zvolle», meksıkalyq «Gvadalahara» jáne avstralıalyq «Melbýrn Sıtı» komandalaryn basqardy. 2016 jyly «Melbýrn Sıtı» sapynda maman Avstralıa Kýbogyn jeńip aldy.
Halyqaralyq deńgeıde van’t Skıp Grekıa men Armenıa quramalaryn jattyqtyrdy.
Qazaqstan quramasynyń jattyqtyrýshylar shtabyna Nurbol Jumasqalıev (asıstent), Eldos Ahmetov (asıstent), Iýrı Novıkov (qaqpashylar bapkeri), Vadım Borovskı (dene shynyqtyrý jattyqtyrýshysy) jáne Tımýr Qusaıynov (analıtık) kiredi.