Vengrıa astanasy Býdapeshte kúres túrlerinen halyqaralyq reıtıńtik týrnır bastaldy. Oǵan Qazaqstan quramasy qatysýda. Birinshi jarys kúni erkin kúrestiń alty salmaq dárejesinde medaldar oınatyldy. Qorytyndysynda qazaqstandyq balýandar alty júldege ıe boldy, dep habarlaıdy infohub.kz saıty.
Altyn medaldi Asyl Aıtaqyn jeńip aldy. 61 kelige deıingi salmaq dárejesindegi fınalda ol túrik sportshysy Tolǵa Ozbekti jeńdi. Osy salmaqta taǵy bir qazaqstandyq Ádilet Almuhamedov qola medalǵa ıe boldy.
74 kelige deıingi salmaqta Nurqoja Qaıpanov fınalǵa deıin jetti. Sheshýshi beldesýde ol qytaılyq Fen Lýǵa jol berip, kúmis júldeger atandy.
57 kelige deıingi salmaqta Nurdanat Aıtanov pen Meırambek Qartbaı, 65 kelige deıingi salmaqta Nachyn Kýýlar qola medal ıegerleri atandy.
Búgin, 16 shildede, kilemge 79, 92, 97 jáne 125 kelige deıingi salmaq dárejesindegi erkin kúresshiler shyǵady. Sonymen qatar, áıelder kúresiniń ókilderi de týrnırdi bastaıdy.
Bizdiń Telegram-arnamyz @sportnurkz-ǵa jazylyńyz. Munda siz sporttyń eń jańa jańalyqtaryn taba alasyz.