Qazaqstannyń erler fýtbol quramasy ÝEFA Ulttar lıgasynyń 2026/27 maýsymyndaǵy úshinshi týrda óz alańynda Moldovadan utyldy. Kezdesý «Astana Arenada» ótip, qazaqstandyqtar úshin atalǵan týrnırdegi alǵashqy úı machy boldy, dep habarlaıdy infohub.kz saıty.
Qarsylastar kúshi jaǵynan úshinshi dıvızıonnyń S3 tobynda oınaıdy. Qonaqtar jartylaı qorǵaýshy Nıkı Kleshenkonyń (45+1-mınýt) jáne shabýylshy Petrý Popeskýdiń (50) goldarynyń arqasynda 2:1 esebimen jeńiske jetti.
Alań ıeleriniń jalǵyz golyn qorǵaýshy Nuraly Álip (64) soqty. Ol Qazaqstan quramasy sapyndaǵy alǵashqy golyn enshilep, nátıjeli pas avtory jartylaı qorǵaýshy ári kapıtan Baýyrjan Islamhan boldy.
74-mınýtta alańǵa qorǵaýshy Sergeı Malyı shyqty. Ol Qazaqstan quramasy sapyndaǵy oıyn sany boıynsha Samat Smaqovtyń rekordyn qaıtalady — 76.
Ulttyq komanda qatarynan ekinshi ret jeńilis tapty. Nıderlandtyq bapker Djon van 't Sqıptiń jetekshiligimen ol ázirge jeńiske jetken joq.
Bir upaımen Qazaqstan quramasy toptaǵy sońǵy tórtinshi orynǵa tústi. Moldovalyqtar tórt upaı jınap, ekinshi satyǵa kóterildi.
Kestede alty upaıy bar slovaktar kósh bastap tur. Eki upaıy bar Farer araldary quramasy úshinshi orynda. Bul eki komanda keıinirek úshinshi týrdyń ózara machyn ótkizedi.
Qazaqstan quramasy halyqaralyq terezeni Farer araldarymen úıdegi kezdesýmen jabady. Ol 6 qazanda «Astana Arenada» ótip, 19:00-de bastalady.