Qazaqstannyń erler voleıbol quramasy Islamabadta ótip jatqan 2026 jylǵy Ortalyq Azıa chempıonatynda (CAVA) alǵash ret jeńiliske ushyrady, dep habarlaıdy infohub.kz saıty.
Pákistanda ótip jatqan jarystyń ekinshi týrynda Sergeı Trıkoz jattyqtyratyn komanda Ózbekstan quramasymen kezdesti. Oıyn bes setke sozylyp, qazaqstandyqtar 2:3 (25:19, 22:25, 29:27, 24:26, 14:16) esebimen jeńildi.
Bul ulttyq quramanyń týrnırdegi alǵashqy jeńilisi. Alǵashqy machta qazaqstandyqtar sol eseppen Nepal quramasyn jeńgen bolatyn.
Kelesi kezdesýde ulttyq qurama 24 shildede Bangladesh voleıbolshylarymen oınaıdy. Ortalyq Azıa chempıonatyna barlyǵy alty komanda qatysady: onyń ishinde Pákistan men Shrı-Lanka da bar. Barlyq komandalar bir-birimen bir retten oınaıdy. Aınalymdyq týrnır qorytyndysy boıynsha chempıon men júldegerler anyqtalady.