Qazaqstandaǵy «Syrym» veterınarlyq beketinde Mońǵolıadan Tajikistanǵa bara jatqan 20 tonna muzdatylǵan qoı etin ótkizýge jol berilmedi. Tranzıtke epızootıalyq ahýaldyń nasharlyǵyna baılanysty tyıym salyndy, dep habarlaıdy infohub.kz saıty.
Anyqtalǵandaı, qoı etin Qazaqstan aýmaǵy arqyly tranzıtpen ótkizýge júk jóneltilgen eldegi epıdemıologıalyq ahýaldyń qolaısyzdyǵyna baılanysty tyıym salynǵan.
Sonymen qatar Reseıden Túrkistan oblysyna 40 tonna bıdaı kebekterin veterınarlyq normalardy buza otyryp ákelýge áreket jasaldy. Tekserý barysynda júkke ilespe qujattardyń, tańbalaýdyń jáne termıalyq óńdeý rastamasynyń joqtyǵy anyqtaldy.
«Júk kólikteri jóneltilgen baǵytqa qaıtaryldy. Júrgizýshilerge QR Ákimshilik quqyq buzýshylyq týraly kodeksiniń 406-baby boıynsha ákimshilik hattama toltyrylyp, aıyppul salyndy», — dep naqtylady Aýyl sharýashylyǵy mınıstrliginde.
Jalpy 2026 jyldyń basynan beri «Syrym» beketinde 249 buzýshylyq anyqtalyp, barlyq júk kóligi keri qaıtaryldy. 117 adamǵa ákimshilik hattama toltyryldy.
Buǵan deıin «Kýrsıv» Qazaqstan Reseıdiń shekaralas birqatar óńirlerinen et jáne et ónimderin ákelýge ýaqytsha tyıym salǵanyn jazǵan bolatyn. Veterınarlyq baqylaý jáne qadaǵalaý komıtetiniń tóraǵasy Qazbek Tashımovtyń aıtýynsha, shekteýler Qazaqstan aýmaǵyna janýarlardyń qaýipti aýrýlarynyń taralýyn boldyrmaý úshin engizilip otyr. Qazirgi tańda eldegi epızootıalyq ahýal turaqty, alaıda shekaralas aýmaqtar boıynsha táýekelder únemi baqylaýda.