Qazaqstan ulttyq quramasynyń tórt múshesi de Tashkentte ótken 58-shi Halyqaralyq hımıa olımpıadasynyń (International Chemistry Olympiad, IChO 2026) júldegeri atandy, dep habarlaıdy infohub.kz saıty.
Altyn medaldi Óskemendegi Nazarbaev Zıatkerlik mektebiniń 11-synyp oqýshysy Aızere Jenısqanova jeńip aldy. Kúmis júldelerge Abılmansýr Kalı (Astana, Nura aýdanyndaǵy NIS, 11 synyp), Danıl Poletaev (Almaty, №134 lıseı, 11 synyp) jáne Ansar Jaksylykov (Astana, Spectrum International School, 11 synyp) ıe boldy.
Olımpıada álemniń 90-nan astam elinen 350-den asa myqty oqýshyny biriktirdi. Baıqaý eki bes saǵattyq kezeńnen – teorıalyq jáne praktıkalyq – turdy. Qatysýshylar kúrdeli hımıalyq esepterdi shyǵaryp, zerthanalyq jumystar oryndady. Ulttyq quramany Ońtústik Koreıanyń KAIST ýnıversıtetiniń stýdenti, halyqaralyq jáne respýblıkalyq olımpıadalardyń jeńimpazy Sanjar Samatýly Begdaır, sondaı-aq hımıa jáne ekonomıka magıstri, halyqaralyq jáne respýblıkalyq olımpıadalardyń jeńimpazy Anýar Nýrtazın daıyndady.
Halyqaralyq hımıa olımpıadasy álemdegi eń bedeldi jeti pándik olımpıadanyń biri sanalady. Qazaqstan bul básekege 1998 jyldan beri qatysyp keledi jáne únemi joǵary nátıje kórsetetin elder qatarynda. Buǵan deıin Shymkenttik bir oqýshy álemniń 74 ýnıversıtetinen shaqyrý alǵany habarlanǵan bolatyn.