2026 jylǵy Azıa oıyndarynda júzý jarystary aıaqtaldy. Qazaqstan quramasy 24 jyldan keıin alǵash ret osy baǵdarlamada birde-bir medal ala almady, dep habarlaıdy infohub.kz saıty.
Júzý týrnıriniń sońǵy kúni fınaldyq júzýge eki qazaqstandyq sportshy joldama aldy. Sofá Spodarenko 50 metr baterfláı qashyqtyǵynda sheshýshi júzýde 26,49 sekýnd ýaqyt kórsetip, altynshy orynǵa turaqtady. Dál osy qashyqtyqta bras ádisimen Aıbat Myrzamýratov birinshi ondyqty túıyqtady: fınalda ol 27,98 sekýndta júzip ótti.
Qazaqstannyń taǵy bir ókili Sofıa Abýbakırova 50 metrlik baterfláıda irikteý kezeńinen óte almady, onda 12-oryn aldy.
Aleksandr Rýmynskı 200 metrge shalqalap júzý qashyqtyǵynda 11-orynmen márege jetti. Fódor Dıdenko 400 metrlik erkin júzýde 19-nátıje kórsetti. Maksım Skazobsov 200 metr baterfláı qashyqtyǵynda da irikteýde qalyp, onda 16-orynǵa turaqtady.
Osylaısha, Qazaqstan quramasy 24 jyldan keıin alǵash ret Azıa oıyndarynda júzýden medalsyz qaldy. Buǵan deıin mundaı jaǵdaı 2002 jyly Pýsanda bolǵan edi.