Qazaqstan-Reseı shekarasynda mindetti veterınarlyq ilespe qujattary joq taýyq jumyrtqasynyń partıasyn ákelý áreketiniń joly kesildi — barlyǵy 252 myń dana. Bul týraly Aýyl sharýashylyǵy mınıstrligi habarlady, dep jazady infohub.kz saıty.
Buzýshylyq Aqtóbe oblysyndaǵy «Jaısań» veterınarlyq baqylaý beketinde anyqtaldy. Kólik Reseıden Baıqońyrǵa qaraı kele jatqan.
Tekserý barysynda Veterınarlyq baqylaý jáne qadaǵalaý komıtetiniń Aqtóbe oblystyq aýmaqtyq ınspeksıasy qyzmetkerleri tasymaldanyp jatqan partıaǵa qajetti veterınarlyq qujattardyń joqtyǵyn anyqtady.
Buzýshylyq faktisi boıynsha akt jáne ákimshilik hattama toltyryldy. 252 myń jumyrtqadan turatyn búkil partıa Reseıge qaıtaryldy.
Tasymaldaýshyǵa veterınarlyq zańnama talaptary men baqylaýdaǵy ónimdi memlekettik shekara arqyly ótkizý erejeleri túsindirildi.
Veterınarlyq baqylaý jáne qadaǵalaý komıtetinde baqylaýdaǵy ónimdi ákelýdi baqylaý jalǵasatynyn atap ótti.
Buǵan deıin «Kýrsıv» «Alataý-qus» qus fabrıkasy Almaty oblysynda asyl tuqymdy reprodýktor salýǵa 6,5 mlrd teńge ınvestısıalaıtynyn jazǵan. Keshen jylyna 12 mln ınkýbasıalyq jumyrtqa óndire alady jáne kásiporynnyń asyl tuqymdy materıaldy shetelden ákelýge táýeldiligin azaıtýy tıis.