Gonkongtaǵy semserlesýden álem chempıonatynyń ekinshi jarys kúni Qazaqstan quramasynyń ókilderi sátti óner kórsetti. Rýslan Kýrbanov, Erlik Sertaı, Kırıll Prohodov jáne Vadım Sharlaımovtan quralǵan tórt shpagashy men Anastasıa Gýlık, Aıgerım Sarybaı jáne Karına Dospaıdan turatyn úsh sabláshy irikteýden sátti ótip, 26 shildede júldeler úshin kúresedi, dep habarlaıdy infohub.kz saıty.
Jeke synda jarystan shyqqan jalǵyz qazaqstandyq sportshy Kaısha Janıbek boldy. Ol 1/64 fınalda ýkraınalyq Dará Gonsovaǵa 6:15 esebimen jol berip, 77-orynǵa turaqtady.
Úsh sabláshy da toptyq týrnırde sátti óner kórsetti. Sodan keıin Anastasıa Gýlık ıtalıalyq Klaýdıo Rotılıdi 15:14 esebimen jeńse, Karına Dospaı Gonkong ókili Vıng Kú Chýdy 15:13 esebimen utty. Al Aıgerım Sarybaı qytaılyq Chjaıı Veıdi 15:11 esebimen jarystan shyǵaryp jiberdi.
Shpagashylardyń tórt ókili de júldege úmitin saqtap qaldy. Vadım Sharlaımov toptyq kezeńnen keıin úndistandyq Shaýrá Ashvınıdi (15:7) jáne shved Kellı Krıstoferdi (12:11) jeńdi. Kırıll Prohodov ózbekstandyq Javohırbek Nýrmatovtan (9:8) jáne mysyrlyq Mahmýd El-Saıdtan (15:9) basym tústi. Rýslan Kýrbanov pen Erlik Sertaı joǵary reıtıńiniń arqasynda pleı-offty 1/32 fınaldan bastaıdy.
Ótken álem chempıonatynda Tbılısıde Kýrbanov jeke týrnırde úzdik ondyqqa ense, Qazaqstannyń shpagamen semserlesý quramasy komandalyq esepte qola júldege ıe boldy.
Bıylǵy álem chempıonaty 71-shi ret ótkizilip otyr. Alǵashqy osyndaı jarys 1921 jyly bolǵan edi. Gonkongta erler men áıelder arasynda jeke jáne komandalyq pánder boıynsha (shpaga, rapıra, sablá) júldelerdiń 12 jıyntyǵy sarapqa salynady.
Týrnırdiń júlde qory 1,02 mıllıon AQSh dollaryn quraıdy. Jeke esepte jeńimpaz 40 myń dollar, kúmis júldeger 20 myń, qola júldeger 10 myń dollar alady. Komandalyq synda altyn 50 myń, kúmis 25 myń, qola 15 myń dollar ákeledi.
Keshe rapırashylar men áıelder shpagasynyń aldyn ala jekpe-jekteri ótti, al erteń sabláshylar men áıelder rapırasynyń alǵashqy jarys kúni belgilengen.